Հպարտութեամբ կը ծանուցենք թողարկումը Մեսրոպեան Ուղղագրութեան առաջին Ուղղագրիչին՝ Microsoft Office Word 2007 ծրագրի համար։ HySpell ուղղագրիչը ճշգրիտ, արագ եւ սեղմօրէն միաւորուած է Microsoft Word 2007 ծրագրի մէջ։ MS-Word–ի հետ այս բնական միաւորման պատճառաւ, չափազանց հեշտ է զայն գործածելը, դառնալով կատարեալ գործիք մը հայերէն լեզուի սկսնակ աշակերտներու եւ նաեւ՝ փորձառու հայերէն գրողներու համար։
HySpell՝ Մեսրոպեան Ուղղագրիչի բառաշտեմարանը բաղկացած է աւելի քան 156,000 Հայերէն արմատական բառերէ։ Սա հիմնուած է Ստեփանոս Մալխասեանցի եւ Էդուարդ Աղայեանի ծաւալուն բազմահատորանոց բառարաններու, նաեւ աւելի հին՝ Հայկազնեան բառարանի վրայ։ Այս արմատական բառաշտեմարանի հետ միասին, ուղղագրիչի հոլովման օրէնքները կարող են արտաբերել աւելի քան 5 միլիոն Հայերէն օրինական բառեր պարունակելով թէ՛ Արեւմտահայերէն եւ թէ՛ Արեւելահայերէն բարբառները աւանդական Մեսրոպեան ուղղագրականոնով։
Սա՝ սխալ բառեր վրիպելու շատ չնչին լուսանցք միայն կարող է ձգել, առանց զիջելու օրինական բառերուն։
Սրբագրուելիք բառերու առաջարկիչի մեքենականութիւնը բաւականի հիմնաչափ է HySpell ուղղագրիչի մէջ։ Ան մասնաւորապէս օգտակար է այն պարագային երբ՝ վրիպող բառը կը տարբերի ենթադրուող օրինական բառէն 2 կամ 3 տառերով։ Առաւել եւս՝ ուղղագրիչը կարելի է նոյնիսկ կիրառուիլ ձեռնհասօրէն փոխարկելու համար հայերէն գրութիւնը Արդի (Սովետական) Ուղղագրութենէ դէպի ճշգրիտ Դասական (Մեսրոպեան) Ուղղագրութեան։
HySpell ուղղագրիչը օժտուած է բաւարար հմտութեամբ որպէսի գտնէ Հայերէնի վերաբերող բովանդակութիւնը խառն բազմալեզու գրութեան մէջ։ Աւելորդ` ձեռքով ներմուծուած լեզուացուցիչներ պէտք չեն որպէս ուղղագրէ Microsoft Word փաստաթուղթը։ Աւելին՝ ան կը յայտնաբերէ գրութեան հայերէն մասերը հետեւելով երկու ընդհանրացուած այլագրութիւններուն, այսինքն՝ UNICODE եւ հին ARMSCII-8 այլագրութիւններուն։
HySpell ուղղագրիչը սեղմօրէն միաւորուած ըլլալով Microsoft Office Word 2007 ծրագրին մէջ, կը վերածուի շատ գործնական եւ դիւրին միջոցի հայերէն Word փաստաթուղթեր գրելու համար։ Անոր կարեւոր յատկութիւններէն են՝ նոր բառ աւելցնելու կարողութիւն ընտրովի բառարանին մէջ, այսպիսով ընդլայնել բառաշտեմարանը օրինական բառերու։ Առաւել եւս՝ ուղղագրիչը ունի թափանցիկ համակառոյց ցուցարկելով նոյնիսկ ներքին բառաշտեմարանը եւ հոլովման օրէնքներու նշոցը յաւելեալ լեզուաբանութեան յատուկ լարման համար։
Հայերէն լեզուն այն մի քանի նախա-հնդեւրոպական լեզուներէն է որ դիմացել է յեղաշրջման ճանապարհի աւելի քան 12 հազար տարիներ սկիզբ առնելով Հայկական Բարձրավանդակի խորքէն։ Կ՛հաւատանք որ լեզուաբան մը անկարող է լուրջ եւ լրացուցիչ հետազօտութիւններ կատարել հնդեւրոպական լեզուներու ուղղութեամբ առանց հայերէն լեզուի խորին ուսումնասիրութեան։
Ներբեռնել Հայերէնի Ուղղագրիչը FireFox–ի համար
HySpell Ուղղագրիչ ծրագիրը առաջինն է շարք մը առաջադրանքներէ՝ ուղղուած հայերէն լեզուի իւրացման յառաջդիմութեան։ Ապագայ մեր առաջադրանքներէն են նաեւ HySpell Հայերէնի Բառագանձ, Հայերէն–Անգլերէն Թարգմանիչ եւ «Մալխասեանց» Թուային Բառարան։